Sogʻlom ovqatlanish — sogʻlom yurak kaliti 

Notoʻgʻri ovqatlanish yurak-qon tomir kasalliklarining nazorat qilinadigan xavf omili hisoblanadi. Toʻgʻri ovqatlanish orqali ularning oldini olish ham, mavjud kasalliklarni davolash ham mumkin.

Sogʻlom yurak uchun 8 qoida

1. Qon bosimi 140/90 mm sim. ust. dan past boʻlishi.
2. Tamakӣ chekmaslik va alkogol isteʼmol qilmaslik.
3. Umumiy xolesterin darajasi 5 mmol/l dan past boʻlishi.
4. Har kuni 3 km piyoda yurish yoki 30 daqiqa oʻrtacha jismoniy faollik.
5. Sogʻlom ovqatlanish.
6. Semizlik va qandli diabet 2 turining oldini olish.
7. Stressga chidamli boʻlish.

Ovqatlanish tavsiyalari

• Hayvon mahsulotlariga nisbatan oʻsimlik oziq-ovqatlarini koʻproq isteʼmol qilish. Oqsil manbai sifatida dukkaklilardan (noʻxot, yasmiq) ham foydalanish.
• Toʻyingan hayvon yogʻlarini (mol, qoʻy yogʻi) toʻyinmagan oʻsimlik moylari (kungaboqar, zigʻir, makkajoʻxori, zaytun moyi) bilan almashtirish.
• Transyogʻlar (margarin, fastfud, qandolat, yarim tayyor taomlar) isteʼmolini cheklash.
• Kuniga 5 g dan ortiq tuz isteʼmol qilmaslik (tepasiz bir choy qoshiq).
• Kuniga 30–45 g ozuqa tolasi (butun donli mahsulotlar — arpa, tariq, devzira guruchi va boshqalar).
• 200 g va undan ortiq mevalar (2–3 porsiya) har kuni.
• 200 g va undan ortiq sabzavotlar (2–3 porsiya) har kuni.
• Qizil goʻshtni haftasiga koʻpi bilan 350–500 g, qayta ishlangan goʻsht mahsulotlarini (kolbasa, sosiska) kamaytish.
• Haftasiga 1-marta yogʻli baliq isteʼmol qilish.
• Har kuni 30 g yongʻoq yoki tuzsiz pista, urugʻlar.
• Alkogol va shakarli ichimliklarni, shu jumladan meva sharbatlarini umuman isteʼmol qilmaslik.