Соғлом овқатланиш — соғлом юрак калити 

Нотўғри овқатланиш юрак-қон томир касалликларининг назорат қилинадиган хавф омили ҳисобланади. Тўғри овқатланиш орқали уларнинг олдини олиш ҳам, мавжуд касалликларни даволаш ҳам мумкин.

Соғлом юрак учун 8 қоида

1. Қон босими 140/90 мм сим. уст. дан паст бўлиши.

2. Тамакӣ чекмаслик ва алкогол истеъмол қилмаслик.

3. Умумий холестерин даражаси 5 ммол/л дан паст бўлиши.

4. Ҳар куни 3 км пиёда юриш ёки 30 дақиқа ўртача жисмоний фаоллик.

5. Соғлом овқатланиш.

6. Семизлик ва қандли диабет 2 турининг олдини олиш.

7. Стрессга чидамли бўлиш.

Овқатланиш тавсиялари

• Ҳайвон маҳсулотларига нисбатан ўсимлик озиқ-овқатларини кўпроқ истеъмол қилиш. Оқсил манбаи сифатида дуккаклилардан (нўхот, ясмиқ) ҳам фойдаланиш.

• Тўйинган ҳайвон ёғларини (мол, қўй ёғи) тўйинмаган ўсимлик мойлари (кунгабоқар, зиғир, маккажўхори, зайтун мойи) билан алмаштириш.

• Трансёғлар (маргарин, фастфуд, қандолат, ярим тайёр таомлар) истеъмолини чеклаш.

• Кунига 5 г дан ортиқ туз истеъмол қилмаслик (тепасиз бир чой қошиқ).

• Кунига 30–45 г озуқа толаси (бутун донли маҳсулотлар — арпа, тариқ, девзира гуручи ва бошқалар).

• 200 г ва ундан ортиқ мевалар (2–3 порция) ҳар куни.

• 200 г ва ундан ортиқ сабзавотлар (2–3 порция) ҳар куни.

• Қизил гўштни ҳафтасига кўпи билан 350–500 г, қайта ишланган гўшт маҳсулотларини (колбаса, сосиска) камайтиш.

• Ҳафтасига 1 марта ёғли балиқ истеъмол қилиш.

• Ҳар куни 30 г ёнғоқ ёки тузсиз писта, уруғлар.

• Алкогол ва шакарли ичимликларни, шу жумладан мева шарбатларини умуман истеъмол қилмаслик.