Сунъий ёруғлик — уйқининг яширин душмани

Кечки пайт узоқ вақт телевизор кўриш, компьютерда ишлаш ёки телефон-планшетлардан фойдаланиш уйқу сифатини жиддий бузади.

Нега?
Кечаси сунъий ёруғлик таъсирида бош мияда мелатонин гормони кам ишлаб чиқилади. Мелатонин камайиши эса кортизол гормонини оширади.

Натижада юзага келиши мумкин бўлган хавфлар:

• Қонда қанд ва ёғ миқдорининг ошиши

• Семизлик

• 2-тур қандли диабет

• Қон босими ва бошқа юрак-қон томир касалликлари

• Депрессия

• Жигарни ёғ босиши

Энг ёмони — эртаси куни етарлича ухласангиз ҳам, организм тўлиқ тикланмайди.

Тўлақонли уйқу учун маслаҳатлар:

• Кечки уйқудан 1 соат олдин телевизор, компьютер ва гаджетлардан фойдаланманг

• Жуда кеч ётманг

• Бир вақтда ётиш ва бир вақтда туришни одат қилинг