ЖССТ тавсиясига кўра ўсмирлар кунига ўртача ва юқори жадалликдаги 60 дақиқа жисмоний фаоллик билан шуғулланишлари лозим.

10-17 ёшдагилар учун:

• қуйидаги машқларни 3-5 мартадан бажариш тавсия ыилнқилинади:

Бундан ташқари қўйидагилар жисмоний фаоликни оширади:

• нарвонга тирмашиб чиқиш;
• тўпни панжалар билан ушлаб узоққа улоқтириш;
• мактабга ёки уйга боришда масофанинг бир қисмини пиёда юриш;
• велосипедда юриш.

Жаҳон соғлиқни сақлаш ташкилоти тавсияларига кўра 5-17 ёшдаги болалар ва ўспиринларга тавсия этилади:

• Ҳафта давомида кунига камида 60 минут ўртача ва юқори жадалликдаги жисмоний фаоллик (асосан аэроб жисмоний фаоллик) билан шуғулланиш;

Аэроб жисмоний фаоллик — бу юрак-қон томир тизимини мустаҳкамлашга қаратилган жисмоний машқлардир. Бу турдаги машқлар кўп миқдорда кислородни талаб қилади ва юрак ҳамда ўпка фаолиятини кучайтиришга ёрдам беради.

Аэроб жисмоний фаолликнинг асосий турлари:

- Югуриш ёки тез юриш

- Велосипедда учиш

- Ўйинли спорт турлари (футбол, баскетбол, теннис ва ҳоказо)

- Рақсга тушиш

- Сузиш

Бу машқлар организмга узоқ муддат давомида юқори жадалликда ишлаш имконини беради ва умумий саломатликни яхшилашга ёрдам беради.

• Ҳафтада камида 3 марта юқори жадалликдаги аэроб жисмоний фаолликка ва шунингдек, суяк-мушак тизимини мустаҳкамлайдиган фаолият турларига вақт ажратиш лозим.

Суяк-мушак тизимини мустаҳкамлайдиган жисмоний фаоллик турлари:

1. Ўтириб-туриш
2. Олдинга ёки орқага кескин қадам ташлаш
3. Кўтарилиш-тушиш машқи
4. Турникда тортилишлар
5. Планка

• Ўтирган ёки ётган ҳолда ўтказиладиган вақтни, айниқса, кўнгилочар мақсадда экран олдида бўладиган вақтни чеклаш лозим.