Meva va rezavorlarning foydasi

Meva va rezavorlar sogʻlom ovqatlanishning zarur qismi hisoblanadi. Ularda organizm uchun kerakli vitaminlar, bioflavonoidlar, mikroelementlar va tabiiy kislotalar mavjud.

Nimasi bilan foydali?

• S vitamini — immunitetni mustahkamlaydi, teri holatini yaxshilaydi, temirning yaxshi soʻrilishiga yordam beradi.
• Qizil va sariq mevalardagi beta-karotin — koʻz salomatligiga ijobiy taʼsir koʻrsatadi.
• Binafsha rang mevalardagi antosiyaninlar — qarish jarayonini sekinlashtiradi, qon-tomirlarni sogʻlom saqlaydi.
• Ozuqaviy tolalar va pektinlar — organizmni chiqindilardan tozalaydi, hazmni yaxshilaydi, xolesterinni pasaytiradi.
• Tabiiy kislotalar — hazm qilishni yengillashtiradi va yalligʻlanishga qarshi kurashadi.

Qancha yeyish kerak?
Mutaxassislar kuniga kamida 200 g meva va rezavorlar hamda 200 g sabzavot yeyishni tavsiya qiladilar. Lekin haddan tashqari koʻp isteʼmol qilish qorin shishishi, allergiya yoki ortiqcha vaznga olib kelishi mumkin.

Qanday tanlash va saqlash kerak?

• Mevalar toza, buzilmagan, dogʻsiz va xushboʻy boʻlishi kerak.
• Doʻkonda yoki bozorda tatib koʻrish mumkin emas.
• Yeshdan oldin sovuq suvda yaxshilab yuvish shart. Sovun yoki kimyoviy vositalar ishlatmang.
• Qulupnay va shunga oʻxshash rezavorlarni avval suvda biroz namlab, keyin chayib yuvish tavsiya etiladi.

Xulosa
Mavsumiy meva va rezavorlar sogʻliq uchun eng foydali. Ularni yangi holda, salat tarkibida yoki sut mahsulotlari bilan birga isteʼmol qilish yanada samarali boʻladi.