Sunʼiy yorugʻlik — uyqining yashirin dushmani

Kechki payt uzoq vaqt televizor koʻrish, kompyuterda ishlash yoki telefon-planshetlardan foydalanish uyqu sifatini jiddiy buzadi.

Nega?
Kechasi sunʼiy yorugʻlik taʼsirida bosh miyada melatonin gormoni kam ishlab chiqiladi. Melatonin kamayishi esa kortizol gormonini oshiradi.

Natijada yuzaga kelishi mumkin boʻlgan xavflar:

• Qonda qand va yogʻ miqdorining oshishi
• Semizlik
• 2-tur qandli diabet
• Qon bosimi va boshqa yurak-qon tomir kasalliklari
• Depressiya
• Jigarni yogʻ bosishi

Eng yomoni — ertasi kuni yetarlicha uxlasangiz ham, organizm toʻliq tiklanmaydi.

Toʻlaqonli uyqu uchun maslahatlar:

• Kechki uyqudan 1 soat oldin televizor, kompyuter va gadjetlardan foydalanmang
• Juda kech yotmang
• Bir vaqtda yotish va bir vaqtda turishni odat qiling