Yogʻli gepatoz (alkogolsiz yogʻli jigar kasalligi)

Yogʻli gepatoz — jigar hujayralarida yogʻ toʻplanishi bilan bogʻliq kasallik hisoblanadi.

Bu holat koʻpincha ortiqcha ovqatlanish va “oddiy uglevodlar (un, shakar) + yogʻlar + toksik sunʼiy qoʻshimchalar” birikmasi sababli kelib chiqadi. Bunday moddalar asosan:

• doʻkonda tayyorlanadigan pishiriqlar,
• qandolatchilik shirinliklari,
• qayta ishlangan kolbasa va sosiskalar,
• yarim tayyor mahsulotlarda koʻp uchraydi.

Dastlabki bosqichda

Gepatoz belgilari deyarli sezilmaydi. Kasallik asta-sekin rivojlanadi. Vaqt oʻtishi bilan:

• organizmda toksinlar koʻpayadi,
• safro hosil boʻlishi kamayadi,
• qonda xolesterin koʻpayadi,
• teri sargʻayishi va qurishi,
• tilda qoplama paydo boʻlishi,
• bel va sonlarda ortiqcha yogʻ yigʻilishi kuzatiladi.

Bu oʻzgarishlar jigar funksiyalarining pasayishi natijasida sodir boʻladi.

Keyingi bosqichlarda

• doimiy charchoq,
• zaiflik,
• teri muammolari (akne, ekzema, dermatit),
• ovqatdan keyingi noxush holatlar (oʻng qovurgʻa ostida ogʻirlik, koʻngil aynishi, ogʻizda achchiqlik) paydo boʻladi.

Eʼtiborlisi, jigarning oʻzi ogʻrimaydi.

Asorati

Alkogolizm va virusli gepatitdan keyin, yogʻli gepatoz — sirroz rivojlanishining uchinchi asosiy sababi hisoblanadi.