Ёғли гепатоз касаллиги (алкоголсиз ёғли жигар касаллиги) — жигар ҳужайраларида ёғ тўпланиши билан боғлиқ ҳасталикдир.

Бунга кўпинча ортиқча овқатланиш ва "оддий углеводлар (ун, шакар) + ёғлар + токсик сунъий ингредиентлар" бирикмаси сабаб бўлади. Одатда, булар дўконда тайёрланадиган пишириқлар, қандолатчилик ширинликлари ва саноат усулида қайта ишланган колбаса ва сосискалар ярим тайёр маҳсулотлар  бўлиши мумкин.

Дастлабки босқичда гепатоз белгилари бўлмайди. Касалликнинг аён бўлиши аста-секин ўсиб боради. Чунки тобора токсинлар кўпайиб, сафро ҳосил бўлиши камаяди, қонда холестерин миқдори ошади, тери сарғаяди, қурийди, тил юзида қоплама пайдо бўлади, бел ва сонларда ортиқча ёглар йиғилиб боради. Буларнинг барчаси жигар функцияларининг пасайиши туфайли юзага келади.

Кейинчалик, доимий чарчоқ, заифлик, тери муаммолари (акне, экзема, дерматит), овқатдан кейин ёқимсиз ҳис-туйғуларнинг пайдо бўлиши (ўнг эпигасрида оғирлик, кўнгил айниши, оғизда аччиқлик ва бошқалар) кузатилади. Жигарнинг ўзида эса ҳеч қандай оғриклар сезилмайди.

Алкоголизм ва вирусли гепатитдан сўнг, ёғли гепатоз бўлажак цирроз ривожланишининг учинчи сабабидир.