JSST tavsiyasiga koʻra oʻsmirlar kuniga oʻrtacha va yuqori jadallikdagi 60 daqiqa jismoniy faollik bilan shugʻullanishlari lozim.

10-17 yoshdagilar uchun:

• quyidagi mashqlarni 3-5-martadan bajarish tavsiya ыilnqilinadi:

Bundan tashqari qoʻyidagilar jismoniy faolikni oshiradi:

• narvonga tirmashib chiqish;
• toʻpni panjalar bilan ushlab uzoqqa uloqtirish;
• maktabga yoki uyga borishda masofaning bir qismini piyoda yurish;
• velosipedda yurish.

Jahon sogʻliqni saqlash tashkiloti tavsiyalariga koʻra 5-17 yoshdagi bolalar va oʻspirinlarga tavsiya etiladi:

• Hafta davomida kuniga kamida 60 minut oʻrtacha va yuqori jadallikdagi jismoniy faollik (asosan aerob jismoniy faollik) bilan shugʻullanish;

Aerob jismoniy faollik — bu yurak-qon tomir tizimini mustahkamlashga qaratilgan jismoniy mashqlardir. Bu turdagi mashqlar koʻp miqdorda kislorodni talab qiladi va yurak hamda oʻpka faoliyatini kuchaytirishga yordam beradi.

Aerob jismoniy faollikning asosiy turlari:

- Yugurish yoki tez yurish

- Velosipedda uchish

- Oʻyinli sport turlari (futbol, basketbol, tennis va hokazo)

- Raqsga tushish

- Suzish

Bu mashqlar organizmga uzoq muddat davomida yuqori jadallikda ishlash imkonini beradi va umumiy salomatlikni yaxshilashga yordam beradi.

• Haftada kamida 3-marta yuqori jadallikdagi aerob jismoniy faollikka va shuningdek, suyak-mushak tizimini mustahkamlaydigan faoliyat turlariga vaqt ajratish lozim.

Suyak-mushak tizimini mustahkamlaydigan jismoniy faollik turlari:

1. Oʻtirib-turish
2. Oldinga yoki orqaga keskin qadam tashlash
3. Koʻtarilish-tushish mashqi
4. Turnikda tortilishlar
5. Planka

• Oʻtirgan yoki yotgan holda oʻtkaziladigan vaqtni, ayniqsa, koʻngilochar maqsadda ekran oldida boʻladigan vaqtni cheklash lozim.