Стрессга чидамлиликни ошириш учун ёшликдан эмоционал интеллектни (ҳиссий ақл) ошириш лозим.

Эмоционал интеллект - бу инсоннинг ўзининг ва бошқаларнинг ҳис-туйғуларини идрок этиш, баҳолаш ва тушуниш қобилияти ва ҳиссиётларни бошқариш қобилияти. Ҳиссий ақлли одамлар ўзларини яхши назорат қилишлари ва бошқалар билан самарали мулоқот қилишлари мумкин.

Эмоционал интеллекти юқори бўлган инсонлар хусусиятлари:

• Ўз ҳис-туйғуларни англай олиш;
• Атрофдаги инсонлар ҳис-туйғусини баҳолай олиш ва тушуниш;
• Атрофдаги инсонлар ниятини, мотивациясини ва хоҳиш-истакларини англай олиш;
• Ўз ҳис-туйғуларини назорат қилиш;

Эмоционал интеллектнинг асоси – эмпатия. Эмпатия бу бошқа одамларнинг ҳис-туйғуларини ҳис қилиш ва тушуниш қобилияти. Эмпатия ҳисси бор инсон ўзини бошқа инсоннинг ўрнига қўйиши ва нимани ҳис қилаётганини (қайғу, қувонч) тушуниши мумкин. Эмпатия бошқа одамларга ғамхўрлик ва раҳм-шафқат кўрсатиш, яхшироқ мулоқот қилиш ва бошқалар билан ижобий муносабатларни ўрнатиш имконини беради. Эмоционал интеллектни ошириш хаётий муаммоларни енгишда ёрдам беради ва шу орқали стрессга чидамлиликни таъминлайди.