Мева ва резаворларнинг фойдаси

Мева ва резаворлар соғлом овқатланишнинг зарур қисми ҳисобланади. Уларда организм учун керакли витаминлар, биофлавоноидлар, микроэлементлар ва табиий кислоталар мавжуд.

Нимаси билан фойдали?

• С витамини — иммунитетни мустаҳкамлайди, тери ҳолатини яхшилайди, темирнинг яхши сўрилишига ёрдам беради.

• Қизил ва сариқ мевалардаги бета-каротин — кўз саломатлигига ижобий таъсир кўрсатади.

• Бинафша ранг мевалардаги антосиянинлар — қариш жараёнини секинлаштиради, қон-томирларни соғлом сақлайди.

• Озуқавий толалар ва пектинлар — организмни чиқиндилардан тозалайди, ҳазмни яхшилайди, холестеринни пасайтиради.

• Табиий кислоталар — ҳазм қилишни енгиллаштиради ва яллиғланишга қарши курашади.

Қанча ейиш керак?
Мутахассислар кунига камида 200 г мева ва резаворлар ҳамда 200 г сабзавот ейишни тавсия қиладилар. Лекин ҳаддан ташқари кўп истеъмол қилиш қорин шишиши, аллергия ёки ортиқча вазнга олиб келиши мумкин.

Қандай танлаш ва сақлаш керак?

• Мевалар тоза, бузилмаган, доғсиз ва хушбўй бўлиши керак.

• Дўконда ёки бозорда татиб кўриш мумкин эмас.

• Ешдан олдин совуқ сувда яхшилаб ювиш шарт. Совун ёки кимёвий воситалар ишлатманг.

• Қулупнай ва шунга ўхшаш резаворларни аввал сувда бироз намлаб, кейин чайиб ювиш тавсия этилади.

Хулоса
Мавсумий мева ва резаворлар соғлиқ учун энг фойдали. Уларни янги ҳолда, салат таркибида ёки сут маҳсулотлари билан бирга истеъмол қилиш янада самарали бўлади.