Юқумли бўлмаган касалликлар ва семизлик хавфи

Ҳозирда дунё бўйлаб юрак-қон томир касалликлари, қандли диабет 2 тури ва бошқа турмуш тарзи билан боғлиқ касалликлар сони ортиб бормоқда.

Юқумли бўлмаган касалликлар нима?

Булар инсондан инсонга юқмайдиган, секин ривожланадиган ва умрбод давом этадиган касалликлардир. Масалан:

• Юрак касалликлари

• Инсульт

• Саратон

• Диабет

• Ўпканинг сурункали касалликлари

Дунёдаги ўлим ҳолатларининг 74%и айнан шу касалликлар ҳиссасига тўғри келади.

Асосий хавф омиллари

• Нотўғри овқатланиш

• Етарли жисмоний фаолликнинг йўқлиги

• Тамакы чекиш

• Спиртли ичимликлар истеъмоли

Бу омилларни камайтириш ёки йўқотиш билан ўлим ва ногиронлик даражасини пасайтириш мумкин.

Семизлик – асосий хавф омилларидан бири

Семизлик кўплаб юқумли бўлмаган касалликларда кузатилади. Уни баҳолаш учун тана вазни индекси (ТВИ) ҳисобланади:

Формула: кг / (м × м)
Мисол: бўйи 1,68 м, вазни 80 кг → ТВИ = 80 / (1,68 × 1,68) = 28,6 кг/м²

Тана вазни индекси меъёрлари

• 18,5–24,9 кг/м² — меъёр

• 25–29,9 кг/м² — ортиқча вазн

• 30–34,9 кг/м² — I даражали семизлик

• 35–39,9 кг/м² — II даражали семизлик

• 40 кг/м² ва юқори — III даражали семизлик

ТВИ ошган сари диабет, юрак-қон томир касалликлари ва айрим саратон турлари хавфи ортади.

Бел айланаси ҳам муҳим кўрсаткич

• Эркаклар учун — 94 см дан ошмаслиги керак

• Аёллар учун — 80 см дан ошмаслиги керак
  Бел айланаси қанчалик катта бўлса, касалликлар хавфи шунча юқори бўлади.

Семизлик сабаблари ва олдини олиш

Асосий сабаблар: нотўғри овқатланиш ва камҳаракатлилик.
Ечимлар:

• Соғлом овқатланиш

• Жисмоний фаолликни ошириш