"Házir de taslay alaman!," "Meni tartpay atır," "Doslar ushın ishemen," "Tek háptede bir márte ishemen."

Bunday gáplerdi tez-tez esitkenbisiz yaki ózińiz de aytqanbisiz?
Tiykarında bolsa, shegiw hám spirtli ishimlikler hár qanday kóriniste hám muǵdarda ádet hám qaramlıqtı keltirip shıǵaradı!

Fakt:

️ Spirtli ishimliklerdiń qáwipsiz dozası joq!
✓ Shegiw bolsa hár qanday kóriniste qáwipli!

Nikotindi óz ishine alǵan ónimler denege ápiwayı temeki ónimleri sıyaqlı zıyan jetkeredi. Elektron sigaretalar hám basqa da qurılmalardı paydalanıw bolsa onnan da qáwipli bolıwı múmkin, sebebi olardıń organizmge tásiri ele tolıq úyrenilmegen. Sonıń menen birge, bul ónimler kóbinese kóbirek hám tez-tez paydalanıladı. 

Shegiw tek ǵana shegiwshiniń emes, al átiraptaǵılardıń da densawlıǵına zıyan keltiredi. Passiv shegiw de aktiv shegiw sıyaqlı ziyanlı.

Spirtli ishimliklerdi háptesine bir márte ishiw de - bul qaramlıq.

Spirtli ishimliklerdi qollanıw menen baylanıslı bolǵan 200 den artıq kesellik bar, spirttiń hár túrli keselliklerdegi úlesi bolsa 5% ten 75% ke shekem jetedi.

Alkogol ishimligi - bul pútkil organizm sistemalarına tásir etiwshi záhár.
Ol tek ǵana ishiwshiniń ózin emes, al átiraptaǵılardı da qáwipke saladı.

Sheshim:

✅ Shegiw hám spirtli ishimliklerdi tolıq taslaw.
✅ Salamat turmıs tárizi ózińizdi jaqsı hám isenimli seziwińizge járdem beredi.
✅ Ómir sapasın hám dawamlılıǵın arttıradı.