Shegiwdiń unamsız aqibetleri
Densawlıq ushın qáwip
Temeki quramındaǵı nikotin, qatran hám basqa da záhárli zatlar júrek-qan tamır sisteması, ókpe, bawır, búyrek hám basqa da áhmietli aǵzalarǵa zıyan jetkeredi. Ásirese, ókpe ragi, júrek ishemik keselligi, bronxit hám astma kesellikleri temeki tutınıwshıları arasında keń tarqalǵan.

Ekinshi dárejeli shegiw
Shegiw tek ǵana shegiwshiniń ózine emes, al átirapındaǵılarǵa da unamsız tásir kórsetedi. Balalar hám hámiledar hayallar passiv shegiwden yeń kóp ziyan kóredi. Bul olardıń ósiwi, rawajlanıwı hám densawlıǵı ushın qáwip tuwdıradı.

Sociallıq hám ekonomikalıq zıyan
Temeki ónimlerine jumsalıp atırǵan qarjılar insannıń jeke byudjetine úlken zıyan jetkeredi. Sonday-aq, temeki sebepli kelip shıǵatuǵın kesellikler densawlıqtı saqlaw sistemasına da artıqsha júk boladı.

Ne ushın shegiwden waz keshiw kerek?
Salamat turmıs tárizine ótiw

Dem alıw sistemasınıń jaqsılanıwı

Energiya hám fizikalıq aktivlikti arttırıw

Átiraptaǵılarǵa unamlı tásir kórsetiw

Finanslıq únemlilik

Shegiwden waz keshiw jolları
Maǵlıwmat alıw - Temekiniń zıyanlı aqıbetleri haqqında jeterli bilimge ie bolıw, qarar qabıl etiwge járdem beredi.

Psixologiyalıq tayarlıq Óz ústinde islew hám bekkem erk-ıqrar áhmiyetli faktorlardan.

Qánigeler járdeminen paydalanıw - Shıpaker yamasa psixolog járdeminde shegiwden waz keshiw ańsatlasadı.

Sport penen shuǵıllanıw - Jedel fizikalıq turmıs temekiden bas tartıwǵa járdem beredi.

Shegiwshi doslar menen aralıqtı saqlaw - Qorshaǵan ortalıqtaǵı ádetler insan is-háreketlerine kúshli tásir etedi.

Juwmaq
Temeki shegiw tek ǵana fizikalıq salamatlıǵımızǵa emes, al ruwxıy jaǵdayımızǵa, jaqınlarımızǵa hám jámietimizge de zıyan keltiredi. Salamat áwladtı tárbiyalaw hám turmıs sapasın arttırıw ushın hár bir insan bul illetten waz keshiwi, basqalarǵa da járdem qolın sozıwı zárúr. Este saqlań: shegiw - bul tańlaw, shegiwden waz keshiw - bul jeńis!